الأساس الصحيح :~
حاأتكلم هنا بصراحة وحا أعرض الي ليا والي عليا ^^
ويمكن الاسلوب لكم عليه لكن بنقدكم أكيد حأطور ان شاء الله ^^
كلنا نمشي ونقول إحنا نحب الله ..
ماحد يقدر ينكر هذا الشي احنا نحبه
وكيف مانحبه وهو الي خلقنا ورزقنا وانعم علينا وتفضل وحفظنا
وابتلانا واختبرنا ..
اي نعم نحبه لأنه ابتلانا ربي لما اختارنا من بين ملااااين الخلق وابتلانا بمصيبة معينة معناته ربي يحبنا ابتلانا بهذا الشي يبغى يشوف ردة فعلنا احنا بنشكره ونصبر ولا بنجزع ونصرخ ..!
ابتلانا لأنه يحبنا يبغى يكفر ذنوبنا ..
يبغى نقابله يوم القيامة نقيين خالصين من الذنوب الي تملينا
لما تصير مصيبة ونفقد عزيز علينا أب أخ زوج خال عم ولد
ذاك الانسان الي خلقه فرحم امه من شيء حقير خلقه وكونه فوسط ظلام علقه و
مضغة وعظام ويكسوها لحم واعصاب يوصل ذاك المخلوق رزقه وهو فبطن امه لين عنده يحميه ويوصي عليه ويحط له حقوق قبل مايطلع من ذاك الظلام
تكفل برعايته كتب عليه رزقه على جبينه شقي ولاسعيد عبد طائع ولاعاصي رزقه وقوته وماله ومقاديره واجله فين حيموت وقدام مين وعند مين ؟!!
خرج ذاك المخلوق من بطن امه ضعيف مايبصر الهمه كيف يبقيه ع الحياة الهمه يحافظ ع نفسه انه يرضع عشان يعيش ..كل عضلات وخلايا جسمه تعمل بانسجام مافيها خلل ايام واصبح يشوف شاف وكبر وتعلم مشي وعين خالقه ماتغفل عنه
حمآه مره لما كان ماشي وطاح حفظو لأنه يحبه ..!
حماه لما انحرق بالنار لأنه يحبه ..
حمآه وحماه
رزقه من اماكن كثيره
صار عنده اموال وازواج واولاد
ثم فلحظة جا القضاء والاجل الي انكتب من هو فبطن امه
جا الفراق ورحل عن الحياة كما حفظه ورعاه اخذه واصفاه الى هناك عندو
..
الان يظهر كل شي..!
احنا نقول نحب الله وراضين بالقضاء ..
طيب ليش البكاء ولو انه ماسوا كذا ماكان مات لو انه ماراح هناك كان بخير ولو ولو والوات كثيره ..!!
كيف نقدر نناقض نفسنا بنفسنا وبسرعة
صح ماعليه احنا حزنانين حنبكي مو عيب ولاحرام
خير من وطأة قدمه الرمال سقطت دموعه لما فارق ولده تحت التراب
وهمس بالجمل المحفوظة*ان العين لتدمع وان القلب ليحزن وانا على فراقك يا ابراهيم لمحزونون *
لكن ليه مانتذكر ان هذي مشية ربي هذا قضائه هذا اصطفائه
احنا نحبه لكل نعمه لازم نرضى بقضائه
القضاء مهم الايمان به مايصير كل بعد شويا نتذكر ونبكي وووووو
صح سبحان الله ماحد كامل ولااحنا منزهين من الغلط
بس ماتلاحظو اننا مقصرين فجانب ربناا كثييييير
نهتم بأشياء توافه وبسفاسف الامور ونترك عظائمها
شفتو السموات فوقنا روحو واجلسو تحتها مره تخيلو لوطاحت عليكم ؟
ماحتتخيلو وحتقولو مستحيل الله ممسكها حتى ماتقع ؟
طيب هذي مو نعمة ؟
النجوم الشمس الكواكب الاكسجين لو زاد ذرة شو كان حيصير ولو نقص ذرة ؟
الارض بجمالها ونعيمها وخيرتها انهار جبال انظرو لها بعين البصير بقلبه لابصير العين وحده ؟
وفي انفسكم افلا تبصرون ..
نقدر نعد النعم الي فجسمنا ماحنقدر
في حاجة خطرت فبالي تذكرتها سبحان الله شي عجيب
لو احد فينا اعطى ولده او اي شخص له سلطه عليه فرضا جوال
وفمه فأيش يستخدمه وحذره يستخدمه فشي ثاني تافه او ان يغلط فيه ووعده وقال طيب
ومرت الايام وأتفاجء مثلا بمعرفة ان يعاكس فرضا بجواله او عنده مقاطع ووووو ومسكتو الهيئة وانحبس واستدعو ولي امره
ابسط شي حيسويه بيسحب منه مصدر الغلط الجوال !
وبيتركه بدونه
لله المثل الاعلى احنا ترا نعصيه بأذانينا او ايادينا او او
ربي يمهلنا ماسحب النعمة مننا مع انو سهل عليه ياخذها
وهو المالك لها وحده تفكرو فهذا المثال وانظرو لرحمته عزوجل
طيب دام كل هذا نعرفه
ليه مانبدأ ونرجع ونصلح علاقتنا مع ربنا
متى اخر مرة قرأنا قران لوجه الله وبأخلاص .؟
متى راجعنا حساباتنا وبكينا ع تقصيرنا وخطأنا ؟
ليه نعلق قلوبنا فأشياء ماتستحق وزائلة وننلهي نفسنا عن أعظم شي
طاعة الله وتنفيذ اوامره وملء القلب حباً له وحده
ادري الكلام كثير فوق واحس يمكن مو مترابط
بس الرسالة الاولى اتوقع وصلت
احنا نحبك يارب واحنا مقصرين فحقك كثير
لكن احنا بنصلح غلطنا ونرجع من جديد
الأساس الصحيح :~
لنبدأ معاً لنملأ قلبوبنا حباً له لنشبعها من فيض رحمته له وحده رب السموات
هناك تعليق واحد:
مشالله كلام جميل واثر فيني
اختج كنسل
إرسال تعليق